Elimizde 5-9 synyp oqýshylary úshin «Tirshilik qaýipsizdigi» taqyrybyndaǵy modýl engiziledi
«Nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi jospardyń 9 baǵyty Oqý-aǵartý mınıstrligine qatysty. Onyń altaýyn qosa oryndaýshy bolsaq, úsh baǵytta negizgi oryndaýshy sanalamyz. Biz balalardy salaýatty ómir saltyn ustanýǵa, zııandy ádetterden ada bolýǵa úıretý úshin tárbıe jumystaryn kúsheıtýdi josparlap otyrmyz. Sonymen qatar jospardyń 42-tarmaǵynda 2024 jyldyń 1 jartysyna deıin «Jahandyq quziretter» dep atalatyn kýrstardyń quramyna «Tirshilik qaýipsizdigi» taqyrybynda úlken modýl engizýdi josparladyq. ıAǵnı, onymen 5-9 synyptyń oqýshylary qamtylady. Bul taqyryptardy mınıstrlikke qarasty Y.Altynsarın atyndaǵy Ulttyq bilim berý akademııasy ázirledi. Qazir kelisim satysynda. Atalǵan júıe iske qosylǵan kezde 5-9 synypta oqıtyn 1,6 mln-nan astam oqýshy osy modýlmen qamtylyp, tıisti bilim alatyn bolady», - dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, 5-synypta «Meniń densaýlyǵym meniń qolymda», 6-synypta «Densaýlyq pen sulýlyqtyń qupııalarynyń syry nede?», «Men qandaı as tutynamyn?», «Men neden tartynýym kerek?» degen syndy balalardyń jas erekshelikterine sáıkes birneshe taqyryp qamtylady.
«Qazirgi tańda oqýshymen qatar tıisti bilim men daǵdylardy úıretetin pedagogtarymyzdyń da bilimin jetildirip otyrýǵa tıispiz. Osy baǵytta arnaıy baǵdarlama bekittik. Bilim berý uıymdary basshylarynyń orynbasarlary, mektep psıhologtary men synyp jetekshilerine arnalǵan oqytý kýrstary bastaldy. Aldaǵy 3 jylda Oqý-aǵartý mınıstrligine qarasty barlyq bilim berý uıymdarynda 35 myńǵa jýyq pedagog bilimin jetildiredi», - Joldas Batyrhan.
