Elimizde 5,5 myńǵa jýyq adam koronavırýstan emdelip jatyr

NUR-SULTAN. QazAqparat - 15 shildedegi málimetke sáıkes, 5 483 adam koronavırýs ınfektsııasynan emdelip jatyr, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń taratqan derekterinde olardyń 588-i statsıonarda, 4 895 naýqas ambýlatorııalyq deńgeıde em qabyldap jatqany aıtylǵan.

«KVI-ge shaldyqqandardyń arasynda 16 adamnyń jaǵdaıy aýyr, 2 patsıenttiń jaǵdaıy óte aýyr, 1 naýqas ÓJJ apparatynda jatyr», - dep jazdy komıssııa.

Aıta keteıik, 14 shildede Qazaqstanda koronavırýs ınfektsııasyna qarsy vaktsınanyń birinshi komponentin 9 536 079 adam, ekinshi komponentin 9 318 769 adam saldyrdy.