Elimizde 46 JOO men kolledj jabyldy – taǵy 33 nysan jabylý satysynda

NUR-SULTAN. QazAqparat – Qazaqstanda sapa standarttaryna saı kelmegen oqý oryndary jabylyp, lıtsenzııalary qaıtarylyp jatyr. Bul týraly QR Bilim jáne ǵylym mınıstri Ashat Aımaǵambetov aıtyp berdi, dep habarlaıdy QazAqparat.

«Sapany qamtamasyz etý úshin baqylaý eki baǵytta júrgiziledi. Birinshisi – sapasyz joǵary oqý oryndaryn nemese kolledjderdi jabý jáne olardy lıtsenzııadan aıyrý. Ekinshisi – joǵary oqý ornyn nemese kolledjdi beıindeý, beıinine sáıkes kelmeıtin jáne suranysqa ıe emes lıtsenzııaǵa qosymshalardy qaıtarý», - dedi A. Aımaǵambetov Úkimet otyrysynda.

Qazirgi kezde tolyǵymen 15 joǵary oqý orny jáne 31 kolledj jabyldy. Taǵy 4 joǵary oqý orny jáne 29 kolledj jabylý satysynda tur.

Mınıstrdiń málimetinshe, 61 JOO-nyń 500 baǵyty boıynsha lıtsenzııalary jáne 375 kolledjdiń 2200 baǵytynyń lıtsenzııalary qaıtaryp alyndy.

«Taǵy 15 joǵary oqý orny men 47 kolledjdiń beıinine sáıkes kelmeıtin lıtsenzııalary qaıtarý boıynsha jumys júrgizilýde. Mysaly pedagogterdi daıarlaıtyn joǵary oqý oryndarynyń sany 86-dan 50-ge deıin azaısa, zańgerlerdi daıarlaıtyn nysandar – 72-den 61-ge deıin azaıdy», - dedi Bilim mınıstri.

Aıta keteıik, kelesi oqý jyly úshin joǵary oqý oryndaryna 73 myń, kolledjderge 31 myń grant bólinedi.

Qazaqstanda 50-ge jýyq eski mamandyq boıynsha oqytý toqtatyldy jáne buryn bolmaǵan 60-qa jýyq mamandyq ashylǵan.

Sonymen birge, elimizde 2 jylda maman ázirleıtin «Qoldanbaly bakalavrıat» pılottyq jobasy bastalady.