Elimizde 45 memlekettik qyzmetti SMS arqyly alýǵa bolady

NUR-SULTAN. QazAqparat – Qazaqstandyqtar 45 memlekettik qyzmetti SMS arqyly ala alady, dep habarlaıdy QazAqparat «Azamattarǵa arnalǵan úkimet» memlekettik korporatsııasyna silteme jasap.

«Endi memlekettik qyzmetterdi SMS arqyly alýǵa bolady. Ázirge qoljetimdi qyzmetter sany – 45. Alda bul kórsetkish arta túsedi. Jańa servıs áleýmettik tólemder, jer qatynastary, eńbek mıgranttaryna ruqsat qujattaryn berý, mektepke deıingi uıymdar jáne azamattyq hal aktilerin rásimdeý jelilerin qamtıdy», - delingen habarlamada.

Aqparatta aıtylǵandaı, qyzmet alýdyń jańa túri klıentterdiń ýaqytyn únemdeıdi.

«Sonymen qatar qyzmet kórsetý jyldamdyǵy edáýir artatyn bolady. Jańa servıs boıynsha qoljetimdi memlekettik qyzmetter tizimimen «Azamattarǵa arnalǵan úkimet» memlekettik korporatsııasynyń resmı saıtynda tolyq tanysýǵa bolady», - dep habarlady korporatsııadan.