Elimizde 40 myńnan astam áskerı turǵyn úı tólemin alady
«Memleket basshysynyń qoldaýymen 2021 jylǵy 1 qańtardan bastap Qarýly kúshter jeke quramynyń jalaqysy 35 paıyzǵa kóterildi.
Áskerı qyzmetshilerdiń jalaqysy 2021 – 2023 jyldary ortasha eseppen alǵanda 60 paıyzǵa nemese 1,6 esege kóterildi.
Arnaıy maqsattaǵy bólimsheler áskerı qyzmetshileriniń eńbekaqysy 20 paıyzǵa kóterildi.
Bıylǵy jyldan bastap áskerı ushqyshtar quramynyń, áskerı JOO oqytýshylarynyń jáne áskerı dárigerlerdiń jalaqysy ortasha alǵanda 60 paıyzǵa ósedi.
2024 jyldyń qańtarynan áskerı ataǵy úshin tólenetin ústemeaqy 30 paıyzǵa artady», - dep jazady mınıstrdiń mindetin ýaqytsha atqarýshy.
Sondaı-aq jaýapta Ulttyq ulan men Іshki ister mınıstrligine tótenshe jaǵdaı saldaryn joıýǵa qatysqany úshin Qarýly Kúshterdiń áskerı qyzmetshilerine 3 ese joǵary ótemaqy berý týraly Zańǵa ózgerister engizý jóninde usynys pysyqtalyp jatqany aıtylǵan.
«Áleýmettik pakettiń kelesi komponenti, turǵyn úımen qamtamasyz etý bolyp tabylady. Búginde 40 myńnan astam adam turǵyn úı tólemin alyp otyr. Turǵyn úı alý úshin ártúrli baǵdarlamalar bar, onyń ishinde «Áskerı baspana», «7-20-25» jáne basqalary. 2018 – 2022 jyldar aralyǵynda 13 myńnan astam áskerı qyzmetshi jeke baspanaly boldy», - dep jazady Rýslan Shpekbaev.
