Elimizde 4 mlrd. teńgeniń taýarlary dúken sórelerinen alynyp tastaldy
ASTANA. 17 qańtar. QazAqparat - Barlyq túrli tekseristerdiń nátıjeleri boıynsha sapasy tómen, tańbalaýsyz jáne sáıkestik sertıfıkattary joq 4 mlrd. 415 mln. 397 501 teńge somasyndaǵy túrli ónimniń 16 936 partııasyn iske asyrýǵa tyıym salyndy.
Bul týraly búgin QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti tóraǵasy Ryskeldi Sátbaev málim etti.
Onyń aıtýynsha, Tehnıkalyq retteý jáne metrologııa komıteti 2012 jylda túrli nysandaǵy jeke menshiktiń sharýashylyq sýbektilerinde ólshem quraldardyń jaǵdaıyn jáne paıdalanylýyn, tehnıkalyq reglamentter talaptarynyń saqtalýyna oraı 4 584 tekseris júrgizdi, olardyń nátıjesi boıynsha 2 726 jaǵdaıda (59,5 %) buzýshylyqtar anyqtaldy.
«Memlekettik talaptardy buzǵan tulǵalar 162 mln. 933 teńge somasyna ákimshilik jaýapkershilikke tartyldy. QR Memlekettik ólshemder júıesiniń tizilimine engizilmegen jáne salystyryp tekserilmegen 17 567 birlik ólshem quraldaryn paıdalanýǵa tyıym salyndy. Barlyq túrli tekseristerdiń nátıjeleri boıynsha sapasy tómen, tańbalaýsyz jáne sáıkestik sertıfıkattary joq 4 mlrd. 415 mln. 397 501 teńge somasyndaǵy túrli ónimniń 16 936 partııasyn iske asyrýǵa tyıym salyndy», - dep atap ótti ol.
Tekseris barysynda anyqtalǵan negizgi buzýshylyqtar sáıkestikti mindetti rastaýǵa jatatyn ónimderdi sáıkestik sertıfıkatynsyz, tańbalaý jónindegi tehnıkalyq reglamentterdiń, normatıvtik qujattardyń talaptarynsyz jáne tehnıkalyq reglamentterdiń talaptaryna sáıkes kelmeıtin ónimderdi iske asyrý bolyp tabylady.
Komıtet basymdy dep belgilengen barlyq ónimderge memlekettik baqylaý júrgizedi - bular tamaq ónimderi, oıynshyqtar, munaı ónimderi, elektrotehnıkalyq buıymdar jáne jeńil ónerkásip ónimderi.
