Elimizde 4 quzyrly organǵa baılanys jelilerin toqtatý quqyǵy berildi
ASTANA. QazAqparat - Qazaqstan Respýblıkasy Bas prokýratýrasy, Ulttyq qaýipsizdik komıteti, Іshki ister mınıstrligi men Qorǵanys mınıstrligine tótenshe jaǵdaı qateri tóngen jaǵdaıda baılanys jelileri men quraldaryn toqtata turý quqyǵy berildi. Bul týraly QazAqparat Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesine silteme jasap habarlaıdy.
«Áleýmettik, tabıǵı jáne tehnogendik sıpattaǵy tótenshe jaǵdaı qateri tóngen nemese týyndaǵan, sondaı-aq tótenshe jaǵdaı engizilgen kezde úkimettik jáne prezıdenttik baılanysty, shuǵyl qyzmetterdiń jelileri men baılanys quraldaryn qospaǵanda, ýákiletti organmen ózara is-qımylda baılanys jelileri men quraldaryn basymdyqpen paıdalanýǵa, sondaı-aq olardyń qyzmetin toqtata turýǵa quqyǵy bar memlekettik organdardyń tizbesi jarııalandy. Olar: Qazaqstan Respýblıkasy Bas prokýratýrasy, Ulttyq qaýipsizdik komıteti, Іshki ister mınıstrligi men Qorǵanys mınıstrligi», - delingen Úkimettiń qaýly mátininde.
