Elimizde 4,5 myńǵa jýyq adam koronavırýstan emdelip jatyr

NUR-SULTAN. QazAqparat - 14 shildedegi málimet boıynsha, elimizde 4 477 adam koronavırýs ınfektsııasynan emdelip jatyr, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, olardyń ishinde 503 patsıent statsıonarda, 3 974 naýqas ambýlatorııalyq deńgeıde em qabyldaýda.

«KVI-ge shaldyqqandardyń arasynda 14 adamnyń jaǵdaıy aýyr, 1 patsıenttiń jaǵdaıy óte aýyr, 1 naýqas ÓJJ apparatynyń kómegimen ǵana dem ala alady», - delingen komıssııa habarlamasynda.

Aıta keteıik, búginge deıin Qazaqstanda koronavırýs ınfektsııasyna qarsy vaktsınanyń birinshi komponentin 9 534 769 adam, ekinshi komponentin 9 317 774 adam saldyrdy.