Elimizde 3x4 fotosyna túsý qyzmeti 15 paıyzǵa qymbattady

ASTANA. QazAqparat - Júrgizýshi kýáligi nemese jeke kýálikke sýretke túsý qazir talap etilmeıdi, alaıda 3x4 fotosýretine qajettilik áli de bar, dep habarlaıdy QazAqparat.

Ulttyq statbıýro qarasha aıynda fotograftardyń bul qyzmeti orta eseppen 561 teńgege jetkenin anyqtady.

Bul ótken jyldyń qarasha aıymen salystyrǵanda 15%-ǵa kóp.

Óńirlik bóliniste eń joǵary baǵa Jezqazǵan qalasynda – 800 tg.

Sonymen qatar qujatqa arnalǵan foto Atyraý (707 tg), Qyzylorda (667 tg) jáne Astana (641 tg) qalalarynyń turǵyndary úshin qymbatyraq bolyp tur.

3*4 sýretine túsý aqtóbelikterde eń arzan bolyp shyqty – 378 tg.

Foto:GETTY IMAGES