Elimizde 39 myńdaı adam koronavırýs ınfektsııasynan emdelip júr

NUR-SULTAN. QazAqparat – Elimizde 39 myńǵa jýyq adam koronavırýs ınfektsııasynan emdelip júr, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.

«Qazaqstandaǵy koronavırýs ınfektsııasyna shaldyqqandar týraly 20 sáýirdegi málimet boıynsha, 38 997 adam koronavırýs ınfektsııasynan (38 634 KVI+ jáne 363 KVI-) emdelýde, olardyń ishinde 13 836 patsıent statsıonarda, 25 161 naýqas ambýlatorııalyq deńgeıde em qabyldap júr.

KVI+, KVI- shaldyqqandardyń arasynda:
• 663 adamnyń jaǵdaıy aýyr;
• 176 patsıenttiń jaǵdaıy óte aýyr;
• 96 naýqas ÓJJ apparatynda jatyr», delingen habarlamada.