Elimizde 37 balaǵa Astanada ótken EQYU Sammıtine baılanysty esimder berildi - QR Statıstıka agenttigi
ASTANA. 14 sáýir. QazAqparat /Rýslan Ǵabbasov/ - Elimizde 37 balaǵa Astanada ótken EQYU Sammıtine baılanysty esimder berildi.
Bul týraly búgin Astanadaǵy onlaın-konferentsııa barysynda QR Statıstıka agenttiginiń basshysy Álıhan Smaıylov aıtty.
Onyń sózine qaraǵanda, elimizde Azıada men EQYU Sammıtine baılanysty adam esimderi de paıda boldy. Samıthan degen esimmen 13 bala, Sammıt dep 19 bala, Nursammıt degen ataýmen 3 bala tirkelse, sonymen qatar Sammıtbek dep 2 balaǵa at berildi. Al Azıada degen esim 15 balaǵa berilgen.
Sońǵy jyldary Adam, Adem, Assol, Lıvııa, Qazyna, Janymsol, Talısman sekildi sırek kezdesetin adam attary kezdesip jatyr.
«Bıylǵy qańtar men sáýir aralyǵynda qyzdar arasynda Arýjan, Aıaýlym, Іnjý, Ámına sekildi ataýlar tanymal esimder retinde tirkeldi. Al er balalar arasynda Erasyl, Álıhan, Sanjar, Nurasyl esimderi kóp taraldy»,-dedi agenttik basshysy.
Onyń sózine qaraǵanda, máselen naýryz jáne sáýir aılarynda Naýryz meıramyna baılanysty esimder kóbeıedi. Sondaı-aq Qurban aıt kezinde de osy meıram kúnine qatysty adam attary keń taralady.
