Elimizde 35-36 myńǵa jýyq adam epılepsııamen aýyrady
ASTANA. 12 qazan. QazAqparat - Búgin Astanada 250-den astam nevrologtyń qatysýymen TMD elderi epıleptologtarynyń "Epılepsııa jáne ustamaly ahýal" taqyrybynda III halyqaralyq forým bastaldy.
Atalmysh halyqaralyq konferentsııa úshinshi ret ótkizilýde. Forýmda epıleptologııa salasyndaǵy irgeli ǵylym, epılepsııany dıagnostıkalaý, eresekter men balalarda epılepsııa belgilerin neırohırýrgııa arqyly emdeý máseleleri talqylanbaq. "Qazirgi ýaqytta elimizde 35-36 myńǵa jýyq adam epılepsııamen aýyratyndyǵy belgili. Degenmen, bul tek muzdaqtyń betindegisi ǵana. Búgingi tańda epılepsııanyń 40-qa jýyq túri bar. Al olardyń kóbin adamdardyń boıynan tabý qıyn" - deıdi QR Densaýlyq saqtaý mınıstrliginiń shtattan tys bas epıleptology Altynaı Elýbaeva.
Onyń aıtýynsha, epılepsııa problemasy sheshilmeıtin túıin emes. Jáne memleket tarapynan nevrologııa jáne epıleptologııa salasynyń damýyna barynsha qoldaý kórsetilip keledi. Qazaqstan - epılepsııaǵa shaldyqqan naýqastardy tegin dárilik quraldarmen tolyqtaı qamtamasyz etetin memleketterdiń qatarynda. Álem boıynsha mundaı memleketter sanaýly. Aldaǵy jyldary elimizdiń barlyq aımaqtarynda epıleptologtardyń kabınetterin ashý josparlanýda.
Іs-sharany QR jáne RF Densaýlyq saqtaý mınıstrlikteri, Neırohırýrgııa respýblıkalyq ortalyǵy, N. I. Pırogov atyndaǵy Reseı ulttyq medıtsınalyq zertteý ýnıversıteti uıymdastyryp otyr.
