Elimizde 32 reseılik alaıaqqa qatysty qylmys tergelýde - ІІM
NUR-SULTAN. QazAqparat – QR ІІM Qylmystyq polıtsııa departamentiniń kıberqylmysqa qarsy kúres ortalyǵy bastyǵynyń orynbasary Rústem Dúısetaev ınternettegi alaıaqtar týraly aıtty, dep habarlaıdy QazAqparat tilshisi.
«Alaıaq satyp alýshylar jarııalanǵan jarnamalardy kórip, ıelerine habarlasady. Áńgime barysynda «satyp alýshy» taýardy alatynyn aıtyp, «eshkimge satpa» dep aldap, aldyn ala aqshanyń bir bóligin jiberetinin aıtyp sendiredi. Aqshany aýdaryp jiberý úshin plastık kartanyń nómirin jiberýdi ótinedi. Biraz ýaqyt ótkennen keıin taýar ıesine qaıta qońyraý shalyp, aqshany aýdarý úshin telefonǵa SMS kúıinde kelgen kodty jiberýdi suraıdy. Basqa jaǵdaıda bankomatqa kelip, taýar ıesine qandaı operatsııalardy júrgizý kerektigin túsindiredi», - deıdi ol ІІM-de ótken baspasóz máslıhatynda.
Osylaısha, SMS arqyly kelgen kodty bilgennen keıin alaıaq ınternet-bankıngke qosylý amalyn bilip alady.
«Máselen, Qostanaı oblysynda osyndaı alaıaqtyqqa qatysty 32 is qaralyp jatyr. Sol qylmystyń bári Reseı aýmaǵynan jasalǵan. Azamattardyń shottarynan aldap shyǵarylǵan soma úshinshi adamnyń shotyna túsip otyrǵan. Reseılik áriptestermen birge qajetti sharalardy iske asyryp jatyrmyz», - dedi ІІM ókili.
Sonymen qatar, Rústem Dúısetaev keıbir azamattarǵa «banktiń ókilimiz» dep habarlasyp, tuzaqqa túsirip jatady.
«Keıbir ákkileri tipti kartochkanyń shoty arqyly zardap shekkenderdiń depozıtin «tazartyp» ketedi», - deıdi ol.
