Elimizde 300-den astam pedıatr dáriger jetispeıdi

ASTANA. QazAqparat – Bıyl memlekettik tapsyrys boıynsha pedıatr mamandyǵyna 146 oryn bólindi. Al statıstıka 304,5 mamannyń jetispeıtindigin kórsetip otyr, dep habarlaıdy QazAqparat tilshisi QR Densaýlyq saqtaý mınıstrligi usynǵan aqparatqa silteme jasap.

«Bıyl 1 qańtardan bergi statıstıkaǵa sáıkes densaýlyq saqtaý salasynda 4259 pedıatr jáne 971 neonatolog eńbek etip júr. Mınıstrlik pedıatr mamanyna tapshylyqty azaıtý maqsatynda jyl saıyn suranys boıynsha kadr daıarlaýǵa memlekettik tapsyrys beredi. Bıyl 1 tamyzdaǵy jaǵdaı boıynsha elimizde 304,5 pedıatr mamany jetispeıdi. Odan bólek, 109,25 neonatolog mamany tapshy», - delingen QazAqparat joldaǵan saýaldyń jaýabynda.

Mınıstrlik málimetine sáıkes, bıyl memlekettik tapsyrys aıasynda 1500 oryn bólindi.

Onyń ishinde pedıatr mamandyǵyna 146 jáne 87 oryn neonatologtardy daıarlaýǵa qarastyrylǵan.