Elimizde 3 myń oqýshyda mesendjer nemese basqa quraldar arqyly bilim alýǵa múmkindigi joq

NUR-SULTAN. QazAqparat – Elimizde 3 myń oqýshyda mesendjer nemese basqa quraldar arqyly keri baılanys ornatý múmkindigi joq. Bul týraly Ortalyq kommýnıkatsııalar ortalyǵynda «Tótenshe jaǵdaı kezinde qashyqtan oqytýdyń jańa formattary» taqyrybynda ótken onlaın brıfıngte aıtyldy, dep habarlaıdy QazAqparat tilshisi.

«Elimizde shalǵaıda ornalasqan eldi mekender kóp jáne shaǵyn jınaqtalǵan mektepter de bar. Búgingi kúni osyndaı 1250 eldi mekende 27 myńǵa jýyq bala oqıdy. Sol 27 myń balanyń tek 3 myńy ǵana mesendjer nemese basqa quraldar arqyly keri baılanys ornatýǵa múmkindigi joq. Osy múmkindikti berý úshin ustazben poshta arqyly keri baılanys ornatýǵa bolady degen sheshim qabyldadyq. Oqýshy dáristi teledıdar arqyly alyp, suraqtary bolsa ustazymen poshta arqyly baılanys ornatýǵa múmkindigi bar. Bul múmkindikti paıdalaný nemese paıdalanbaýdy ata-analardyń ózderi sheshedi», - deıdi QR Bilim jáne ǵylym mınıstri Ashat Aımaǵambetov.