Elimizde 3,2 mln azamattyń mindetti medıtsınalyq saqtandyrýy joq
Ortalyq kommýnıkatsııalar qyzmetinde ótken brıfıngide Áleýmettik medıtsınalyq saqtandyrý qorynyń basqarma tóraǵasy Aıdyn Ashýev osyndaı málimet aıtty.
«Qazaqstanda medıtsınalyq saqtandyrý 2020 jyldan bastap jumys istep, MÁMS-ke tólemder barlyǵy úshin mindetti bolyp tabylatynyna qaramastan, shamamen 3,2 mln adam áli kúnge deıin saqtandyrylmaǵan kúıinde qalyp otyr. Memleket basshysynyń tapsyrmasy boıynsha MÁMS júıesine kirmegen adamdardy saqtandyrý úshin sharalar qabyldandy. Osyǵan baı lanysty osy jyldyń shilde aıynda MÁMS júıesine qatysýdyń balamaly tásilin kózdeıtin «Mindetti áleýmettik medıtsınalyq saqtandyrý týraly» Zańǵa ózgerister engizildi», - dedi Aıdyn Ashýev.
Aıtýynsha, buryn saqtandyrý mártebesin alý úshin ótken 12 aı úshin jarna tóleý qajet boldy jáne osy kezeńde tólemder jasalmasa, bereshek paıda bolatyn. Endi aldaǵy 12 aı úshin jarnalardy tólep, saqtandyrý mártebesin alýǵa bolady.
«Bul Medıtsınalyq saqtandyrý esebinen jyl boıy medıtsınalyq kómekke qol jetkizýge múmkindik beredi. Jańa mehanızm 5 qyrkúıekten bastap iske qosyldy. Saqtandyrylmaǵan azamattardyń 30%-dan astamy osy ádisti qoldanady dep topshylanyp otyr.
«Alaıda, bul halyqty MÁMS júıesine tartý úshin vedomstvoaralyq jumystyń mańyzdylyǵyn atap ótý qajet. Ol jergilikti atqarýshy organdarmen, Memlekettik aýmaqtyq bólimshelerimen jáne Іshki ister mınıstrligimen, medıtsınalyq uıymdarmen birlesip ótkizilýi kerek. Saqtandyrylǵan azamattarǵa medıtsınalyq qyzmetterdiń kólemi men quny shektelmeıdi. Mysaly, Medıtsınalyq saqtandyrýǵa jylyna 36 myń teńge sheginde eń tómengi aýdarymdardy tóleıtin derbes tóleýshiler medıtsınalyq kómektiń keń spektrine qol jetkize alady», - dedi qor basshysy.
