Elimizde 25-27 sáýir aralyǵynda qar aralas jańbyr, burshaq jaýýy yqtımal
NUR-SULTAN. QazAqparat – 25-27 sáýir aralyǵynda respýblıkada aýa raıy qubylyp turady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Belsendi frontaldy bólikterdiń ótýine baılanysty jańbyr jaýyp (soltústikte qarǵa aýysady), keı jerlerde mol kólemde jaýýy múmkin. Birqatar óńirlerde naızaǵaı, tuman, daýyl, ekpindi jel, burshaq jaýýy múmkin. Soltústik aımaqtarda tyl tsıklonynyń ornyn antıtsıklon basyp, ol jaýyn-shashynnyń toqtap, aýa temperatýrasynyń tómendeýine ákeledi.
