Elimizde 24 kóterme-taratý ortalyǵy salynady
«Áleýmettik mańyzy bar azyq-túlik taýarlary baǵalaryn tıimdi qalyptastyrý mınıstrliktiń turaqty baqylaýynda. Ótken jylǵy 11 paıyzdyq ósim ımportqa táýeldi jáne eksportqa baǵdarlanǵan negizgi 5 taýarǵa baılanysty boldy. Olardyń úlesi 8,9 paıyzdy qurady. Baǵany túbegeıli turaqtandyrý úshin Mınıstrlik birqatar keshendi sharalardy usynady. Birinshiden, ákimdikter bul máseleni qatań baqylaýda ustaýy qajet. Taýarlardyń baǵalary ósýi kezinde shekti baǵalardy engizý boıynsha dereý sharalardy qabyldaý; ımportqa táýeldi jáne eksportqa baǵdarlanǵan taýarlar boıynsha turaqtandyrý qorlaryn tolyqtaı qalyptastyrý; ózimizde óndiriletin taýarlar boıynsha qarjylandyrý kólemin 50 mlrd teńgege deıin ulǵaıta otyryp, «aınalym shemasy» aıasynda forvardtyq kelisimsharttardy basym túrde qarjylandyrýdy qamtamasyz etý kerek»,- dedi ol.
Ekinshiden, mınıstr aýyl sharýashylyǵy taýarlarynyń óndirisin ulǵaıtý qajettigine nazar aýdartty.
«Úshinshiden - saýdany tsıfrlandyrýmen qatar, Ulttyq taýar ótkizý júıesin iske asyrý. Jalpy, 24 kóterme-taratý ortalyǵy salynady. Onyń ishinde 2022 jyly Nur-Sultan, Shymkent, Almaty qalalarynda, jáne Almaty, Jambyl, Pavlodar oblystarynda 7 kóterme-taratý ortalyǵy iske qosylady. Sonymen birge V2V platformasy engizilip, áleýmettik ámııanmen ıntegratsııalanatyn bolady», - dedi Baqyt Sultanov.
