Elimizde 222,7 myń gektardyń astyǵy jınaldy
ASTANA. 22 shilde. QazAqparat /Qanat Mámetqazyuly/ - QR Aýyl sharýashylyq mınıstrligi aǵymdaǵy jylǵy astyq jınaý naýqanynyń belsendi júrip jatqanyn habarlaıdy.
Bıyl aýyl sharýashylyq daqyldarynyń alqaby 18646,8 myń gektar jerge egilgen. Bunyń dándi daqyldary 16255,9 myń gektar bolsa, onyń ishinde bıdaı 14102,6 myń gektar quraıdy. Aýyl sharýashylyǵy mınıstrliginiń habarlaýynsha, qazirgi ýaqytta Almaty, Jambyl, Qyzylorda jáne Ońtústik Qazaqstan oblystarynda astyq jınaý naýqany bastaldy. Aýyl sharýashylyq taýar óndirýshileri 21 shildege deıin 222,7 myń gektar jerdiń astyǵyn jınady. Bul aıtylǵan oblystardyń egis aýdandarynyń 22,4 paıyzyn quraıdy. Jalpy kórsetilgen oblystardyń egistik aýdandarynyń 333,9 myń tonnasy bastyrylsa, ónimdilik orta eseppen 14,7 ts/ga quraǵan. Málimetterge qaraǵanda, respýblıka boıynsha 13 mln. tonna shamasyndaǵy syıymdylyqta qambalar, 216 lıtsenzııalanǵan nan qabyldaıtyn óndirister jumys isteýde.
2011 jyldyń 21 shildege deıin 35 kásiporyn tekseristen ótip, onyń ishinde 16 elevator jańa egindi qabyldaýǵa ázir emes ekeni anyqtaldy. Elevatorlardyń kóbinde jabdyqtar keńes ýaqytynan beri jańarmaǵan. Tehnologııalyq zerthanalarda quraldar joq bolyp, qoımalarda asa qaýipti mıkroorganızmder anyqtaldy. Osyǵan oraı, mınıstrlik anyqtalǵan zań buzýshylyqty joıý úshin sáıkesinshe tapsyrmalar berildi. Bul rette aımaqaralyq ınspektorlar tekseris barysynda basty nazardy astyq kemirgishteri men qamba zııankesterin zarasyzdandyrýǵa baǵyttalǵan is-sharalardy uıymdastyrý máselelerine aýdarmaq.
