Elimizde 21 myńǵa jýyq úleskeri bar 97 nysannyń qurylysyn aıaqtaý qalyp otyr
ASTANA. Qyrkúıektiń 3-i. QazAqparat /Ernur Aqanbaı/ - 2010 jylǵy qyrkúıektiń 1-gi jaǵdaı boıynsha, Qazaqstanda 20 myń 722 úleskeri bar 97 nysannyń qurylysyn aıaqtaý qalyp otyr.
Bul týraly Qurylys isteri jáne turǵyn úı -kommýnaldyq sharýashylyq agenttigi baspasóz qyzmetiniń taratqan habarlamasynda kórsetilgen.
Baspasóz qyzmetiniń málimetinshe, bul nysannyń 42-si (8774 úlesker) Astanada, 27-si (6414 úlesker) Almatyda, 28-i (5534 úlesker) basqa óńirlerde ornalasqan. «2007 jyldyń 4-shi toqsanynda respýblıkamyzda 62 myń 889 úleskeri bar 450 turǵyn úı kesheni salyndy. Ótken kezeń ishinde 353 nysandaǵy 47 myń úleskerdiń problemasy sheshildi» delingen baspasóz qyzmetiniń málimetinde.
Sondaı-aq, málimette 2007 jyldan bastap jalpy alǵanda respýblıkamyz boıynsha úlestik qurylysty memlekettik qarjylandyrý bas-aıaǵy 518,782 mlrd. teńgeni quraǵany kórsetilgen.
