Elimizde 2020 jylǵa qaraı 2010 jylmen salystyrǵanda jalpy ishki ónimdi 15,7 paıyzǵa ulǵaıtý kózdelip otyr
ASTANA. Qarashanyń 7-si. QazAqparat /Aıdyn Báımen/ - Úkimettiń qaýlysymen bekitilgen Qazaqstan Respýblıkasynyń 2010-2014 jyldarǵa arnalǵan áleýmettik-ekonomıkalyq damý boljamynda memleketimizdiń áleýmettik-ekonomıkalyq damýynyń maqsatty ındıkatorlary aıqyndalǵan,
dep habarlaıdy QazAqparat.
Úkimet ekonomıkanyń ósýi, kiris deńgeıi, jumyspen qamtý jáne ınflıatsııa deńgeıi boıynsha áleýmettik-ekonomıkalyq damýdyń maqsatty ındıkatorlary Qazaqstan Respýblıkasynyń 2020 jylǵa deıingi Strategııalyq damý josparynda jan-jaqty kórinis tapqanyn málim etip otyr.
Elimizde alǵa qoıylǵan ekonomıkanyń ósý parametrlerin qamtamasyz etý maqsatynda 2020 jylǵa qaraı 2010 jylmen salystyrǵanda naqty JІÓ-ni 15,7 paıyzǵa ulǵaıtý kózdelýde.
Qazaqstannyń 2020 jylǵa qaraı JІÓ kórsetkishi boıynsha jan basyna shaqqandaǵy joǵary deńgeıli tabysy bar elderdiń qataryna kirýin qamtamasyz etý úshin 2014 jylǵa qaraı atalǵan kórsetkish 10 myń AQSh dollary deńgeıine deıin jetkiziletin bolady.
Uzaq merzimdi kezeńdegi ınflıatsııa deńgeıiniń tómendeýine onyń orta merzimdi kezeńdegi 2009 jyldyń sońynda 8,0-8,5 paıyzdan 2014 jyldyń sońyna 7 paıyzǵa deıingi deńgeıge tómendeýi yqpal etetin bolady.
Jumyssyzdyq deńgeıin 2020 jylǵa qaraı 5 paıyzdan aspaıtyn deńgeıde qamtamasyz etý úshin 2010-2014 jyldary onyń 7 paıyzǵa deıin tómendeýi josparlanyp otyr.
