Elimizde 2015 jylǵy qyrkúıektegi ınflıatsııa 1,0% qurady

ASTANA. QazAqparat - Qazaqstan Respýblıkasynyń Ulttyq ekonomıka mınıstrligi Statıstıka komıtetiniń resmı derekteri boıynsha 2015 jylǵy qyrkúıekte ınflıatsııa 1,0% (2014 jylǵy qyrkúıekte - 0,5%) boldy, dep habarlaıdy QR Ulttyq bankiniń baspasóz qyzmetinen.

Bul rette, azyq-túlik taýarlarynyń baǵasy 0,6%-ǵa (0,3%-ǵa), azyq-túlikke jatpaıtyn taýarlardyń baǵasy 2,0%-ǵa (0,5%-ǵa) ósti. Aqyly qyzmet kórsetý tarıfteri - 0,7%-ǵa (0,7%-ǵa) kóterildi. Azyq-túlik taýarlarynyń ishinde kóp dárejede qant - 13,4%-ǵa, jumyrtqa - 10,8%-ǵa, jemister - 2,5%-ǵa, balyq jáne teńiz ónimderi - 2,0%-ǵa, shaı - 1,9%-ǵa, kúrish - 1,4%-ǵa, alkogolsiz sýsyndar - 1,3%-ǵa, maı jáne toń maılar - 1,0%-ǵa, sút ónimderi jáne jarma - 0,7%-ǵa, et jáne et ónimderi - 0,5%-ǵa qymbattady. Kókónisterdiń baǵasy 8,3%-ǵa, onyń ishinde sábiz - 20,9%-ǵa, qyzylsha - 15,1%-ǵa, pııaz - 11,4%-ǵa, oramjapyraq - 10,7%-ǵa, kartop - 8,9%-ǵa tómendedi. Azyq-túlikke jatpaıtyn taýarlar naryǵynda dári-dármekterdiń baǵasy 1,9%-ǵa, turmystyq úı zattary - 1,1%-ǵa, syrtqy kıim jáne aıaq kıim - 1,0%-ǵa ósti. Benzınniń quny 13,2%-ǵa, dızel otyny - 1,1%-ǵa ósti. Aqyly qyzmet kórsetý tobynda turǵyn úı-kommýnaldyq saladaǵy qyzmetke aqy tóleý 0,5%- ǵa kóterildi. Bul rette taratý jelileri boıynsha tasymaldanatyn gaz tarıfteri - 3,4%-ǵa, sýyq sý - 2,2%-ǵa, turǵyn úıdi jalǵa alý - 0,5%-ǵa, elektr energııasy - 0,4%-ǵa, qoqys jınaý jáne káriz -0,3%- ǵa ósti. Budan basqa, aqyly qyzmet kórsetý qurylymynda bilim berý qyzmetiniń baǵasy 2,3%-ǵa, kólik - 0,9%-ǵa, mádenıet salasyndaǵy qyzmet - 0,5%-ǵa, ambýlatorlyq qyzmet - 0,3%-ǵa ósti. 2015 jylǵy qańtar-qyrkúıekte ınflıatsııa 2,9% (2014 jylǵy qańtar-qyrkúıekte - 5,9%) boldy. Azyq-túlik taýarlary 2015 jyldyń basynan bastap 1,5%-ǵa (5,6%-ǵa), azyq-túlikke jatpaıtyn taýarlar - 3,4%-ǵa (6,7%-ǵa), aqyly qyzmet kórsetý - 4,0%-ǵa (5,4%-ǵa) qymbattady.