Elimizde 2014 jylǵa qaraı temirjol kóligin qurastyrýdyń jalpy kólemi 30 esege artady - A. Mámın
ANA. 18 qarasha. QazAqparat QazAqparat /Gúlmıra Álıakparova/ - Qazaqstanda 2014 jylǵa qaraı temirjol kóligin qurastyrýdyń jalpy kólemi 30 esege artady. Bul týraly búgin «Ekspert-100-Qazaqstan» ekinshi ekonomıkalyq forým barysynda «Qazaqstan temir joly» ulttyq kompanııasy» AQ-nyń prezıdenti Asqar Mámın málim etti.
A. Mámınniń aıtýynsha, QTJ Úkimettiń tapsyrmasyna sáıkes ındýstrııalandyrý baǵdarlamasy boıynsha birqatar iri jobalardy ázirledi. «Olarǵa sáıkes, eger 2008 jyly temirjol kóligin qurastyrýdyń túr-túriniń barlyq kólemi 8 mıllıardqa jýyq teńgeni quraǵan bolsa, bizdiń josparlarymyz boıynsha 2014 jylǵa qaraı temirjol kóligin qurastyrýdyń jalpy kólemi jylyna 300 mlrd. teńgege jetedi. ıAǵnı, 5 jyldyń ishinde ósim birden 30 esege artady»,-dedi ol.
A. Mámınniń sózine qaraǵanda, mundaı qarqyn bútin bir jańa salany qurýmen teń. «Oǵan ondaǵan iri jobalar enedi. Bizdiń áriptesterimiz «Djeneral-elektrık», «Talgo», «Sımens» sııaqty álemdik sheteldik kompanııalar. Onymen birge kishi jáne orta kásiporyndar qurylyp, myńdaǵan jańa jumys oryndary ashylady»,-dedi QTJ basshysy.
