Elimizde 2010 jylǵy qańtarda negizgi kapıtalǵa salynǵan ınvestıtsııalar kólemi 175,9 mlrd. teńgeni qurady
ASTANA. Aqpannyń 17-si. QazAqparat /Ernur Aqanbaı/ - Qazaqstanda 2010 jylǵy qańtarda negizgi kapıtalǵa salynǵan ınvestıtsııalar kólemi 175,9 mlrd. teńgeni qurady, bul ótken jylǵy sáıkes kezeńge qaraǵanda 2,9 paıyzǵa artyq,
dep habarlaıdy QazAqparat QR Statıstıka agentigine silteme jasap.
Agenttiktiń málimetinshe, tutyný baǵalarynyń ındeksi 2010 jylǵy qańtarda 2009 jylǵy qańtarmen salystyrǵanda 107,3 paıyzdy qurady. Azyq-túlik taýarlaryna baǵalar 3,9 paıyzǵa, azyq-túlik emes taýarlar - 9,4 paıyzǵa, aqyly qyzmetter kórsetý - 10,1 paıyzǵa artty. Ónerkásip ónimin óndirýshi kásiporyndar baǵalary 2010 jylǵy qańtarda 2009 jylǵy qańtarmen salystyrǵanda 48,6 paıyzǵa ulǵaıdy.
«2009 jylǵy jeltoqsanda halyqtyń jan basyna shaqqandaǵy ortasha ataýly aqshalaı tabystary baǵa boıynsha 39806 teńgeni qurady. Ósim 2008 jylǵy jeltoqsanmen salystyrǵanda ataýly aqshalaı tabystar úshin 13,2 paıyz, naqty aqshalaı tabystar úshin - 6,6 paıyz boldy. 2009 jylǵy jeltoqsanda qyzmetkerlerge eseptelgen ortasha aılyq ataýly jalaqy 82779 teńgeni qurady. 2008 jylǵy jeltoqsanǵa qaraǵanda ósim 13,6 paıyz boldy. Naqty jalaqy ındeksi 2008 jylǵy jeltoqsanǵa 106,9 paıyzdy qurady», delingen agenttiktiń málimetinde.
