Elimizde 2010 jyldyń mamyr aıynda ınflıatsııa 0,6 paıyzdy qurady

dep habarlaıdy QazAqparat QR Statıstıka agenttigine silteme jasap.

Agenttiktiń málimetinshe, mamyr aınyda azyq-túlik taýarlarynyń baǵasy 0,7 paıyzǵa, azyq-túlikke jatpaıtyn taýarlardyń baǵasy - 0,5 paıyzǵa, aqyly qyzmetter 0,4 paıyzǵa qymbattaǵan. Sonymen qatar, ótken aıda jemis-jıdekter men kókónisterdiń baǵasy - 2,7 paıyzǵa, et ónimderi - 1,5 paıyzǵa, kofe, chaı, kakao 0,8 paıyzǵa qymbattaǵan. Al, jumyrtqanyń baǵasy - 2,8 paıyzǵa, súttiki - 1,5 paıyzǵa, kúrishtiki - 1,2 paıyzǵa, undiki 1,1 paıyzǵa tómendegen.

«Temeki ónimderiniń baǵasy - 2,7 paıyzǵa, tsement - 1,1 paıyzǵa, jýatyn jáne tazalaıtyn quraldar - 0,9 paıyzǵa, jeke gıgıena taýarlary - 0,7 paıyzǵa, úı turmysynda kúndelikti paıdalanylatyn zattar, kıim-keshek pen aıaq-kıim - 0,5 paıyzǵa, farmatsevtıkalyq preparattar 0,4 paıyzǵa qymbattady. Al, dızel otynynyń baǵasy - 2,6 paıyzǵa, benzın 2,2 paıyzǵa qymbattady», delingen Agenttiktiń habarlamasynda. Kólik qyzmetteriniń baǵasy -1,5 paıyzǵa, densaýlyq saqtaý - 0,9 paıyzǵa, demalys, kóńil kóterý jáne mádenıe qyzmetter - 0,5 paıyzǵa, shashtarazdyń jáne jeke qyzmet kórsetetin mekemelerdiń qyzmetteri - 0,4 paıyzǵa, meıramhanalar men qonaqúıler qyzmetteriniń baǵalary 0,3 paıyzǵa qymbattaǵan. Al, turǵyn-úı kommýnaldyq qyzmet kórsetý salasynda sýyq sýdyń tarıfteri - 0,9 paıyzǵa, qubyrdiki - 0,8 paıyzǵa, elektr energııasynyki - 0,5 paıyzǵa, qoqys jınaýdiki 0,2 paıyzǵa ulǵaıǵan.