Elimizde 2009 jyly naqty JІÓ 2008 jylmen salystyrǵanda 1,2 paıyzǵa ósti

dep habarlaıdy QazAqparat QR Statıstıka agentigine silteme jasap.

Agenttiktiń málimetinshe, 2009 jylǵy qańtar-jeltoqsandaǵy jedel derekter boıynsha jalpy ishki ónim kólemi aǵymdaǵy baǵalarda 15887,8 mlrd. teńgeni qurady. JІÓ-niń qurylymynda taýar óndirý úlesi 43,8 paıyzdy, qyzmet kórsetý - 54,8 paıyzdy quraǵan. Qysqa merzimdi ekonomıkalyq ındıkator 2010 jylǵy qańtarda 2009 jylǵy qańtarǵa qaraǵanda 108,5 paıyzdy quraǵan. «2010 jylǵy qańtarda ónerkásip óndirisiniń kólemi qoldanystaǵy baǵalarda 884,6 mlrd. teńgeni qurady, bul 2009 jylǵy qańtarǵa qaraǵanda 10,3 paıyzǵa artyq. Ken óndirý ónerkásibinde jáne karerlerdi qazýda - 5 paıyz óńdeý ónerkásibinde - 24,5 paıyz, elektrmen jabdyqtaý, gaz, bý berý jáne aýa baptaýda 4,6 paıyz óndiris ósimi baıqaldy», delingen agenttiktiń habarlamasynda. Sondaı-aq 2010 jylǵy qańtarda aýyl sharýashylyǵy jalpy óniminiń kólemi 45,1 mlrd. teńgeni qurap, 2009 jylǵy qańtarmen salystyrǵanda 2,1 paıyzǵa artqan.