Elimizde 2009 jyldyń qazanynda bir qyzmetkerdiń ortasha aılyq ataýly jalaqysy 67167 teńgeni qurady

dep habarlaıdy QazAqparat QR Statıstıka agenttigine silteme jasap.

 Agenttiktiń málimetinshe, bul jalaqy ótken jylǵy tıisti aımen salystyrǵanda 9 paıyzǵa, naqty kóriniste  3 paıyzǵa ósti, qańtar-qazanda tıisinshe 65802 teńgeni jáne 10,2 paıyzdy, naqty jalaqy ındeksi 102,4 paıyzdy qurady.

«Salalyq qurylymda jalaqynyń eń úlken  mólsheri burynǵydaı qarjy qyzmetinde - 130,4 myń teńge (ortasha respýblıkalyq deńgeıden 1,9 esege asady) saqtalýda, ken óndirý ónerkásibinde - 125,3 myń teńge (1,8 ese), jyljymaıtyn múlikpen operatsııalardy júzege asyrý salasynda - 107,8 myń teńge (1,6 ese), qurylysta - 94,2 myń teńge (1,4 ese) jáne kólik pen baılanysta  - 85,1 myń teńge     (1,3 ese). Eń tómengi jalaqy balyq ósirý jáne balyq aýlaý qyzmetkerlerinde saqtalýda - 29,3 myń teńge, bul el boıynsha kórsetkishten orta eseppen 56,3 paıyzǵa az», delingen Agentiktiń habarlamasynda. Óńirlik bóliniste eń joǵary jalaqy Atyraý oblysynda - 136,6 myń teńge, bul ortasha respýblıkalyq kórsetkishten 2,0 esege joǵary. Jambyl oblysynda munyń shamasy 43,1 myń teńgeni qurady, bul el boıynsha ortasha deńgeıden 35,8 paıyzǵa tómen.