Elimizde 2006 jylǵy úlgidegi banknottar aınalymnan alyndy
ALMATY. QazAqparat- Qazaqstanda 2006 jylǵy úlgidegi nomınaly 2 000, 5 000 jáne 10 000 teńgelik banknottardy aýystyrý merzimi aıaqtaldy, dep habarlaıdy QazAqparat tilishisi.
Aıta keteıik, 2006 jylǵy úlgidegi banknottardy aıyrbastaý 2020 jyldyń 21 jeltoqsanynan 2021 jyldyń 1 aqpanyna deıin uzartylǵan bolatyn.
«Osy nomınaldardaǵy banknottardy aýystyrý merzimin uzartý týraly sheshimdi Ulttyq bank azamattardyń ótinishterine baılanysty qabyldaǵan bolatyn. Aıyrbastaý tek jeke tulǵalar úshin Ulttyq banktiń fılıaldarynda 2020 jyldyń 21 jeltoqsanynan bastap 2021 jyldyń 1 aqpanyna deıin júrgizildi. Osy kezeńde banknottardy aýystyrýǵa qatysty ótinishterdiń kóp bóligi Almaty qalasynyń (28,2%), Nur-Sultan qalasynyń (9,5%) jáne Qaraǵandy oblysynyń (7,5%) turǵyndarynan tústi. Aıyrbastaýǵa qabyldanǵan kýpıýralardyń negizgi úlesi nomınaly 2 000 teńgelik (44,1% ) banknotaǵa tıesili boldy, odan keıin 5 000 (30,9%) jáne 10 000 teńgelik (25,0%) banknottar»,-dep habarlady Ulttyq bankten.
Ulttyq valıýtanyń qoldanystaǵy aqsha belgilerine aýystyrý merziminiń aıaqtalýyna baılanysty 2006 jylǵy úlgidegi atalǵan nomınaldaǵy banknottar Qazaqstan Respýblıkasynyń búkil aýmaǵynda qabyldaýǵa jáne aıyrbastaýǵa jatpaıdy jáne tólem quraly bolyp sanalmaıdy.
