Elimizde 200-den astam máslıhat bolsa, ondaǵy jastardyń úlesi 2% qana - saıasattanýshy
«Nur Otan» partııasy SQOF baspasóz qyzmetiniń málimetinshe, saıasattanýshy Qazbek Maıgeldınov Petropavlda ǵana kezdesý ótkizbeı, Qyzyljar, Mamlıýt, Taıynsha jáne Maǵjan Jumabaev aýdandaryna barýdy josparlap otyr. Onda ol halyqtyń praımerızge kózqarasyn bilip, partııaishilik irikteý kezinde qandaı problemalar bar ekenin anyqtamaq.
Sarapshynyń aıtýynsha, partııalyq praımerızdiń basty erekshelikteriniń biri - ókiletti organdarda áıelder men jastardyń ókildik etý kvotasyn saqtaý. ıAǵnı máslıhattardaǵy depýtattardyń 30 % áıelder jáne 20 % jastar quraýy tıis. Osy talaptyń oryndalýyn baqylaý úshin «Nur Otan» partııasynda jaqtastar lıgasy quryldy.
«Óńirlerde bir úlken másele bar: jyldan jylǵa burynǵy depýtattar máslıhatqa barady, bul depýtattardy halyq bilmeıdi. Máselelerdi jańa kózqaraspen sheshý úshin, depýtattyq korpýsty jańartý qajet. Qazir respýblıkada 216 máslıhat jumys isteıdi, onda jastardyń úlesi tek 2 % ǵana», - deıdi Qazbek Maıgeldınov.
Saıasattanýshynyń aıtýynsha, búginde Soltústik Qazaqstan oblystyq máslıhatyndaǵy 28 depýtattyń ishinde 35 jasqa deıingi birde-bir jas jigit joq. Sońdaı-aq, mundaǵy áıelder úlesi tek 2 %-ti quraıdy.
«Praımerız jastar ózekti máselelerdi sheshý úshin, jergilikti ókiletti organdarǵa kirý múmkindigine ıe bolý úshin qarastyrylǵan. Al eldiń qoǵamdyq-saıası ómirine qatysýǵa áıelderge 30 % kvota bar», - deıdi saıasattanýshy.
«Nur Otan» partııasynyń jaqtaýshylar lıgasy praımerızdiń barlyq normalary men erejelerin saqtaý maqsatynda quryldy. Sonymen qatar, Qazbek Maıgeldınov atap ótkendeı, partııaishilik irikteýdiń barlyq kezeńderinde adaldyqty, ashyqtyq pen ádilettilikti saqtaý asa mańyzdy.
