Elimizde 200 apatty mektep bar - QR Bilim jáne ǵylym mınıstri
ASTANA. 16 jeltoqsan. QazAqparat - Elimizde 200 apatty mektep bar. Bul týraly «KTK» telearnasynyń «Halyq qyzmetshisi» baǵdarlamasynda qonaq bolǵan QR Bilim jáne ǵylym mınıstri Aslan Sárinjipov aıtty.
Onyń atap ótýinshe, osy jyldyń ishinde ǵana respýblıka aýmaǵynda shamamen 150 mektep salynǵan. Al jańa bıýdjette taǵy da úlken 50 mektep salý qarastyrylyp otyr. Bul rette aıta keterligi, 500-den artyq oryndy mektepterdiń qurylysy respýblıkalyq, al 200-ge deıin oryndy mektepter jergilikti bıýdjet esebinen salynady.
«2012 jyly oblystar shamamen 70 apatty mektep bar ekendigin habarlaǵan bolatyn. Al Bilim jáne ǵylym mınıstrligi óziniń baqylaý departamentteri arqyly tekserý júrgizgende apatty mektepterdiń sany 200-ge jetti», - dedi A.Sárinjipov.
