Elimizde 20 myń Parkınson aýrýyna shaldyqqan adam tirkelgen
ASTANA. QazAqparat - Elimizde 20 myń Parkınson aýrýyna shaldyqqan adam tirkelgen, dep habarlaıdy Ulttyq neırohırýgııa ortalyǵynyń baspasóz qyzmeti.
11 sáýir kúni álemde Dúnıejúzilik Parkınson aýrýymen kúres kúni atalyp ótiledi. Ol Dúnıejúzilik densaýlyq saqtaý uıymynyń bastamasymen jyl saıyn ótkiziledi jáne atalǵan aýrý týraly qoǵamdy kóbirek aqparattandyrýǵa arnalǵan.
Parkınson aýrýy - sozylmaly aýrý, onyń nátıjesinde mıdyń neırondary buzylady jáne óledi. Aýrýdyń negizgi belgileri: qoldyń dirildeýi, qozǵalystyń báseńdeýi, qozǵalystyń bógelip qalýy, aýyrsyný, qozǵalys dınamıkasy jáne psıhıkanyń buzylýy. Aýrý aqyl-es tolyǵymen saqtalyp qalýymen múgedektikke ákelip soqtyrady.
«Bizdiń elimizde osyndaı naýqastardyń 20 myńy tirkelgen. Alaıda, qazaqstandyqtardyń densaýlyqtaryn tolyq qalpyna keltirý múmkindikteri paıda boldy. Jaqyn ýaqyttan beri «Ulttyq neırohırýrgııa ortalyǵy» AQ atalǵan patologııany neırohırýrgııalyq emdeý ádisterin engizdi jáne sátti qoldanýda. Búgingi kúni ortalyqta Parkınson aýrýyna hırýrgııalyq emdeý júrgiziledi, 130 operatsııa sátti jasaldy», delingen habarlamada.
Parkınson aýrýy - áleýmettik problema, óıtkeni adam óz betimen ómir súrý qabilettiligin joǵaltady. Álemde parkınsıonızmmen 60 jastan asqan eresekterdiń 1% -daıy azap shegedi. Aýrýdyń etıologııasy áli kúnge deıin sońyna deıin aıqyndalmaǵan. Qaýip-qater aımaǵyna eresek adamdar (40 jastan soń) túsedi. Aýrý gen arqyly tuqym qýalaýshylyq boıynsha beriledi degen boljaýlar bar, biraq aýrýdyń damýyna jaýap beretin gen áli anyqtalǵan joq. Jyl ótken saıyn aýrýdyń belgileri tipti 30-40 jasta paıda bolǵan adamdardyń sany kóbeıýde. Jyl saıyn DDS málimetteri boıynsha aýrýdyń 300 myńnan astam jańa jaǵdaılary tirkeledi.
