Elimizde 2 mln. 900 myńdaı ekonomıst jumys jasaıdy - professor R. Alshanov
ALMATY. 7 qazan. QazAqparat - Qazaqstanda qazir 140-qa jýyq joǵary oqý ornynyń 86-synda ekonomıka mamandyqtary boıynsha kadrlar daıyndalýda.
QR Joǵary oqý oryndary qaýymdastyǵynyń prezıdenti Rahman Alshanov Almatydaǵy Turar Rysqulov atyndaǵy Qazaq ekonomıka ýnıversıtetine cenbi kúni Ahmet Baıtursynov atyndaǵy ordendi tapsyrý kezinde aıtty.
«Qazir elimizde 2 mıllıon 900 myńdaı ekonomıst eńbek etýde. Bul jumyspen qamtamasyz etilgen el turǵyndarynyń úshten birin quraıdy. Degenmen ekonomıka mamandyqtary boıynsha daıyndalǵan kadrlardyń biliktilik deńgeıi ártúrli. Máselen qazir jekemenshik oqý oryndarynyń muǵalimderi men basshylarynyń 90 paıyzyn ál-Farabı atyndaǵy Qazaq ulttyq ýnıversıteti men Turar Rysqulov atyndaǵy Qazaq ekonomıka ýnıversıtetiniń túlekteri qurap otyr», - deıdi ekonomıka ǵylymdarynyń doktory Rahman Alshanov. Ǵalymnyń paıymdaýynsha, ekonomıkalyq damý deńgeıi jaǵynan álemniń 120 eliniń aldyna shyǵyp ketken Almaty qalasynyń ósip-órkendeýine Almatydaǵy bilim berý mekemeleriniń qosyp jatqan úlesi qomaqty. Oqý ornyn bitirgen túlekterdiń jumysqa ornalasý kórsetkishi jaǵynan qazir qalada T. Tysqulov atyndaǵy Qazaq ekonomıka ýnıversıteti aldyńǵy orynda kele jatqanyn shahar basshysy Ahmetjan Esimov Respýblıka saraıynda ótken mereıtoılyq saltanattaǵy quttyqtaýynda atap ótken edi.
