Elimizde 2 mıllıonnan astam oqýshy jazǵy lagerlerde demalady
ASTANA. QazAqparat - Qazaqstanda jazǵy demalysqa oqýshylardyń 70%-dan astamy tartylady, ıaǵnı 2 mln.-nan astam oqýshy jazǵy lagerlerde demalady. Bul týraly búgin ótken baspasóz máslıhatynda QR BǴM Mektepke deıingi jáne orta bilim berý, aqparattyq tehnologııalar departamentiniń dırektory Jańyl Jontaeva aıtty.
«Biz 1 men 10 synyptar aralyǵyndaǵy balalardy tartamyz. Bular uymdastyrylǵan jazǵy demalyspen qamtylǵan eki mıllıonnan astam balalar. Al bıylǵy jazda sonymen qatar 1 mln. 612 myń bala, ıaǵnı barlyq oqýshynyń 69%-y densaýlyq saqtaý sharalarymen qamtylady», - dedi ol.
Jańyl Jontaevanyń málimetinshe, 1 maýsymda jyl boıy jumys isteıtin 260 qalasyrty lagerleriniń 173-i qyzmetine kiristi, qalǵandary 15 maýsymda ashylady. Qala syrtyndaǵy lagerlerden basqa 11 myńnan astam saýyqtyrý lagerleri men alańdar bar.
