Elimizde 19 aqpanda bolatyn mańyzdy sharalar ańdatpasy
Saǵat 9.30-da Bas prokýratýranyń ǵımaratynda Bas prokýratýranyń buqaralyq aqparat quraldaryna arnalǵan tsıfrlyq jobalary tanystyrylady.
Saǵat 10.00-de «QR Qarjy mınıstrliginiń 2020 jylǵy qyzmetiniń qorytyndylary jáne 2021 jylǵa arnalǵan mindetteri» taqyrybynda QR Qarjy mınıstrliginiń alqa májilisi ótedi. Tikeleı kórsetilim siltemesi:
https://youtube.com/user/minfingovkz.
Saǵat 10.00-de L.N. Gýmılev atyndaǵy EUÝ ǵımaratynda kórnekti ǵalym Salyq Zımanovqa jáne akademıktiń atyndaǵy aýdıtorııanyń ashylýyna arnalǵan respýblıkalyq konferentsııa ótedi.
Saǵat 12.00-de Nur-Sultan qalasy ákimdiginiń baspasóz ortalyǵynda «Elordada COVID-19 vırýsyna qarsy vaktsınalaý - 2 apta qorytyndysy» taqyrybynda onlaın brıfıng ótedi. Spıker: Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov. Onlaın baspasóz-konferentsııasy Nur-Sultan qalasy ákimdiginiń Facebook-tegi resmı paraqshasynda https://www.facebook.com/nursultanakimat/ tikeleı efırde ótedi.
Saǵat 15.00-de «Astanadaǵy EQYU-2010 sammıtiniń tarıhı máni men ózektiligi» halyqaralyq onlaın-konferentsııasy ótedi. Іs-sharany Qazaqstan Respýblıkasynyń Tuńǵysh Prezıdenti – Elbasy kitaphanasy men Qazaqstan Respýblıkasynyń Syrtqy ister mınıstrligi, Nur-Sultandaǵy EQYU baǵdarlamalar keńsesi Qazaqstan Respýblıkasynyń Tuńǵysh Prezıdenti – Elbasy keńsesiniń qoldaýymen uıymdastyrady.
Saǵat 16.00-de Qazaqstan Respýblıkasynyń Ulttyq mýzeıinde QR memleket jáne qoǵam qaıratkeri, Qazaqstannyń eńbek sińirgen qyzmetkeri, «Parasat» jáne III dárejeli «Barys» ordenderiniń ıegeri, Abaı atyndaǵy Qazaq ulttyq pedagogıkalyq ýnıversıteti Túlekter qaýymdastyǵynyń prezıdenti, Qurmetti professory Tóleýbek Tóleýuly Muqashevtyń «Balalyq shaqqa saıahat» atty jeke kórmesiniń ashylýy ótedi.
Saǵat 16.30-da Ortalyq kommýnıkatsııalar qyzmetinde «Zeınetaqy jınaqtaryn medıtsınalyq qyzmetterge paıdalaný» taqyrybynda brıfıng ótedi. Spıkerler: Medıtsınalyq kómekti uıymdastyrý departamentiniń dırektordyń orynbasary Gúlnar Sarsenbaeva, medıtsınalyq kómekti uıymdastyrý departamentiniń Ambýlatorıalyq-emhanalyq jáne jedel medıtsınalyq kómek basqarmasynyń basshysy Batyrhan Sarymsakov, «Qazaqstannyń turǵyn úı qurylys jınaq banki «Otbasy bank» AQ basqarma tóraıymy Ibragımova Lıazzat, «Qazaqstannyń turǵyn úı qurylys jınaq banki» AQ ortalyq fılıalynyń dırektory Jansultan Mataev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
ALMATY
Saǵat 15.00-de Almaty qalasynyń Kásipkerler palatasynyń keńsesinde Almaty qalasynyń qoǵamdyq tamaqtaný salasyndaǵy bıznes sýbektilerimen dóńgelek ústel ótedi. Іs-sharaǵa ZOOM platformasy arqyly qosylýǵa bolady.