Elimizde 180 myń adam qaterli isikke shaldyqqan
PETROPAVL. QazAqparat - Ótken jyldyń qorytyndysy boıynsha elimizde 181 myń adam qaterli isikpen tirkeýde tur. Byltyr tek Almaty qalasynda ǵana 4 myń adamda onkologııalyq aýrý anyqtalǵan, dep habarlaıdy QazAqparat tilshisi.
Resmı aqparattarǵa súıensek, 2018 jyly aty jaman aýrýdan 14 myńnan astam adam qaıtys bolǵan. Obyr dertinen Shyǵys Qazaqstan, Qaraǵandy oblystarynda jáne Almaty qalasynda eń kóp naýqas kóz jumdy.
Soltústik Qazaqstan oblysynyń onkologııalyq dıspanserinde qazir 10 myńǵa jýyq syrqat tirkeýde tur. Mamandardyń aıtýynsha, byltyr 619 adam qaıtys bolsa, onyń ekeýi 14 jasqa tolmaǵan balalar.
«Búginde tekserilýge keletin adamdardyń sany artqan. Osyǵan oraı qaterli isikke shaldyqqandar sany ótken jylmen salystyrǵanda joǵary. Bul qýantarlyq jaǵdaı, óıtkeni óz ómirine beıjaı qaramaıtyndar kóbeıgen. Erte satysynda anyqtasaq, biz aýrýdyń aldyn ala alamyz. Qazir ol úshin emhanada bar jaǵdaı jasalǵan»,- deıdi SQO onkologııalyq dıspanseri bas dárigeriniń orynbasary Oleg Dýdıak.
Bıyl el qazynasynan profılaktıkalyq skrınıngterdi ótkizýge 4,3 mlrd teńge bólindi.
