Elimizde 18,6 myń shaqyrymnan astam avtomobıl joly tsıfrlandyryldy
«Búginde kásiporyn qolda bar jabdyqtardyń nátıjesinde 18,6 myń shaqyrymnan astam joldy tsıfrlandyrdy», - dep atap ótti kásiporynnyń baspasóz qyzmetti agenttiktiń resmı saýalyna oraı.
«Jol aktıvteriniń ulttyq sapa ortalyǵynda joldardy tsıfrlandyrý mynadaı birqatar perspektıvalyq múmkindik ashatynyn atap ótedi:
Geoaqparattyq júıe (GAJ kartasy): joldardyń jaı-kúıi týraly jınaqtalǵan derekterdi onlaın rejıminde qoljetimdi GAJ kartasyna ońaı biriktire alady. Bul jol jamylǵysynyń jaı-kúıi týraly aqparatqa qol jetkizýdiń ashyqtyǵy men yńǵaılylyǵyn qamtamasyz etedi.
Derekterdi paıdalanýshynyń baptaýy: paıdalanýshylar qajettilikterine oraı kartada ártúrli kórsetkishterdi tańdaý jáne kórsetý múmkindigi bar. Bul degenimiz derekterdi tegistik, aqaýlar nemese ólshemder sııaqty naqty krıterıılerge beıimdeýge bolady.
Avtojolshylarǵa arnalǵan aqparattyq platforma: joldardyń jaı-kúıi týraly esepter avtojol qurylysy jáne qyzmet kórsetý salasynda jumys isteıtin paıdalanýshylar úshin qundy aqparattyq platformaǵa aınalady. Bul derekter negizdelgen sheshim qabyldaýǵa jáne jóndeý jumystaryn josparlaýǵa kómektesedi.
Jóndeýlerdi monıtorıngileý jáne negizdeý: joldardyń jaı-kúıi týraly jınalǵan derekter olardyń aǵymdaǵy jaı-kúıin turaqty monıtorıngileý jáne baǵalaý múmkindigin qamtamasyz etedi. Bul tıisti jóndeý jumystaryn taǵaıyndaý týraly sheshim qabyldaýǵa negiz bolady.
«Sondaı-aq, jyl saıyn dıagnostıka derekteri memlekettik tapsyrmany qalyptastyrý jáne naqty nátıjelerge súıenip, joldardyń qajettilikterin oraı jóndeýge bıýdjet qarajatyn bólý úshin QR IIDM Avtomobıl joldary komıtetine beriledi», - dedi kásiporynnan.
