Elimizde 16 sáýirde ótetin mańyzdy sharalarǵa sholý

NUR-SULTAN

Saǵat 09.00-de «Úkimet úıinde» Úkimet otyrysy ótedi. Kún tártibinde 2019 jylǵy qańtar-naýryz aılarynda Qazaqstan Respýblıkasynyń áleýmettik-ekonomıkalyq damýynyń jáne respýblıkalyq bıýdjettiń oryndalýynyń qorytyndylary, shıkizattyq emes eksportty damytý jáne Ulttyq eksporttyq strategııany iske asyrý máseleleri talqylandy.

Saǵat 10.00-de «3.2.1. Start!» ekologııalyq jobalardyń respýblıkalyq jastar baıqaýynyń fınaly jáne jeńimpazdardy marapattaý rásimi ótetin «3.2.1. Start!» ekofestıvali bastalady.

Saǵat 10.00-de Kásipkerler quqyǵyn qorǵaý jáne jemqorlyqqa qarsy kúres Keńesiniń otyrysy ótedi.

Saǵat 11.00-de QR Ulttyq akademııalyq kitaphanasynda Qanysh Imantaıuly Sátbaevtyń týǵanyna 120 jyl tolýyna oraı «Dala danyshpany» eske alý keshi ótedi.

Saǵat 15.00-de «Nur Otan» partııasynyń Ortalyq apparatynda partııa tóraǵasynyń birinshi orynbasary M.S. Áshimbaevtyń basshylyǵymen «Bıznestiń jol kartasy-2020» memlekettik qoldaý jáne bıznesti damytý memlekettik baǵdarlamasyn júzege asyrý týraly esep, onyń ishinde memlekettik bıýdjet pen Ulttyq qor qarajatyn tıimdi paıdalaný máseleleri talqylanady.

Saǵat 16.00-de Qazaqstan Respýblıkasy Prezıdentiniń janyndaǵy Memlekettik basqarý akademııasynyń Qazaqstan halqy Assambleıasy Tóraǵasynyń orynbasary - Hatshylyq meńgerýshisi J.Túımebaevtyń qatysýymen «PRodvıgaı sebıa» ózin-ózi ilgeriletý, ózindik marketıng jáne pıar jasaý strategııalary boıynsha trenıng ótedi.

Saǵat 16.00-de Nur-Sultan qalasynyń Dostyq úıinde Qazaqstan halqy assambleıasynyń Qoǵamdyq kelisim keńesiniń keńeıtilgen otyrysy (Etnomádenı qaýymdastyq aldaǵy prezıdenttik saılaý konteksinde) ótedi.

Saǵat 16.20-da Ortalyq kommýnıkatsııalar qyzmetiniń alańynda Avtomobıl joldarynyń saqtalýyn qamtamasyz etý máselelerine arnalǵan baspasóz konferentsııasy ótedi.

Saǵat 19.30-da «Astana» kontserttik zalynda Nur-Sultan qalasy ákimdiginiń Memlekettik akademııalyq fılarmonııasynyń aktrısasy, halyqaralyq konkýrstardyń laýreaty, akademık, pıanıst jáne kompozıtor Saıda Qalyqova «Yrys kúnim» kontsertimen shyǵarmashylyqtyń 20 jyldyǵyn atap ótedi.

ALMATY

Saǵat 10.30-da Dostyq úıinde «Zamannyn' ziatker jastary - vision of the future» áleýmettik ıdeıalary men jobalarynyń XV jármeńkesi ashylady. Ádettegideı jármeńke sheńberinde áleýmettik ıdeıalar baıqaýynyń qorytyndysy shyǵarylyp, jeńimpazdar áleýmettik mańyzy bar jobalardy júzege asyrý úshin Qazaqstan Respýblıkasy Tuńǵysh Prezıdenti - Elbasy Qorynyń granttaryna ıe bolady.

Saǵat 11.00-de Madeleine kofeınıasynda «Almaty joldarynyń syrtqy baspasóz keńsesimen tanysý» taqyrybynda kezdesý ótedi.

Saǵat 12.30-da Baıserke ıppodromynda ulttyq at sporty boıynsha jastar arasyndaǵy birinshi Azııa chempıonatynyń jarysy bastalady. Qazaqstan, Majarstan, Reseı, Qytaı, Mońǵolııa, Malaızııa, Túrkııa, Ózbekstan, Tájikstan, Aýǵanstan, Qyrǵyzstan komandalary kókpar, aýdaryspaq, teńge ilý men jamby atý túrleri boıynsha saıysady.

Saǵat 14.00-de «Atakent» qonaq úıinde «Chehııa óńirleri jáne olardyń dástúrli ónimderi» semınary ótedi. Іs-shara týrızm salasynda Chehııamen yntymaqtastyqty nyǵaıtýǵa baǵyttalǵan. Bul 2019 jyldyń maýsymynda Astana-Praga tikeleı reısteriniń ashylýyna yqpal etedi.

Saǵat 20.00-de Chaplın Megapark kınoteatrynda «BALÝAN ShOLAQ» fılminiń premerasy ótedi.

AQTÓBE

Saǵat 11:00-de Óńirlik kommýnıkatsııalar qyzmetinde «Aqtóbe oblysynyń eńbek ınspektsııasy jónindegi basqarmasy qyzmetiniń 2018 jylǵy qorytyndysy, 2019 jylǵa arnalǵan jumys jospary» taqyrybynda baspasóz konferentsııasy ótedi.

KÓKShETAÝ

Saǵat 15.00-de Kókshetaý qalasyndaǵy «Dostar» mádenıet saraıynda aımaq basshysy Ermek Marjyqpaevtyń qatysýymen «WorldSkills Kazakhstan» aımaqtyq chempıonatynyń jabylýy saltanaty ótedi.

ÓSKEMEN

Saǵat 11.00-de Óńirlik kommýnıkatsııalar qyzmetinde ShQO Statıstıka departamentiniń basshysy Álibek Maqajanov pen Eńbek statıstıkasy basqarmasynyń basshysy Saltanat Býtkenovanyń qatysýymen baspasóz máslıhaty ótedi. Jıynda 2019 jylǵy ShQO áleýmettik-ekonomıkalyq damýynyń qorytyndylary jáne negizgi kórsetkishter týraly sóz qozǵalady.