Elimizde 16 myńnan astam adam Kongo-Qyrym qandy bezgegine qarsy egildi
ASTANA. 18 mamyr. QazAqparat - Elimizde 16 myńnan astam adam Kongo-Qyrym qandy bezgegine qarsy egildi. Búgin brıfıng barysynda Memlekettik sanıtarlyq-epıdemıologııalyq qadaǵalaý komıtetiniń basqarma bastyǵy Aıtmaǵambet Jolshorınov osylaı dedi.
«Epıdemııalyq óńirlerde Kongo-Qyrym qandy bezgegi men kene entsefalıtiniń aldyn alý boıynsha sharalar júrgizilýde. Bul - vaktsınalaý, aýmaqty óńdeý, halyqqa túsindirý jumystary. Kene entsefalıtiniń aldyn alý jáne ony emdeý úshin preparattardyń jetkilikti qory bar. Aǵymdaǵy jyly vaktsınanyń 44 myńnan astam dozasy satyp alyndy. Búgingi kúni 16 myńnan astam adam egildi», - dedi ol.
Onyń atap ótýinshe, Qyzylorda oblysynda Kongo-Qyrym qandy bezgeginiń 2 oqıǵasy tirkelgen. 2011 jyldyń sáıkes kezeńimen salystyrǵanda keneniń shaǵýyna baılanysty qaralǵan adamdar sany 15 paıyzǵa tómendegen.
