Elimizde 16 myń shaqyrym sý qubyry jelisi salynady

NUR-SULTAN. QazAqparat – Elimizde 16 shaqyrymdy quraıtyn jańadan sý qubyry jelisi salynbaq. Bul týraly QR Ulttyq ekonomıka mınıstri Áset Erǵalıev málim etti, dep habarlaıdy QazAqparat tilshisi.

«Bazalyq qyzmetke teńdeı qoljetimdilik baǵyty boıynsha ınfraqurylymdyq keshendi damytýǵa arnalǵan eki mindet tur. Sonyń biri - turǵyn úıge qatysty «Jaıly turǵyn úı» baǵdarlamasy. Jáne ekinshisi - «Aýyl – el besigi» jobasy. Infraqurylym keshenin damytý aıasynda el kóleminde 16 myń shaqyrymdy quraıtyn sý qubyry jelisin salý jospary bar. Jańadan salýmen qatar qoldanystaǵy sý qubyry jelileri qaıta jóndeýden ótedi. ıAǵnı 875 shaqyrymdy quraıtyn jaýyn-shashyn kárizi men aryqtar júıesi qaıta jóndeledi. Sol arqyly qalalarmen qatar aýyldyq eldimeken turǵyndarynyń taza aýyzsý máselesi sheshimin tappaq. Jalpy el boıynsha 3,5 myńnan astam aýyldyń ınfraqurylymy óńirlerdi damytýdyń standartyna saı qaıta jańǵyrtylady», - dedi Áset Erǵalıev OKQ-de ótken baspasóz máslıhatynda.

Sondaı-aq, mınıstr 12 myń shaqyrymdy quraıtyn ınjenerlik jeliniń de qaıta jóndeletinin aıtyp ótti.

Jáne 10 myń km-dan astam aýylaralyq joldar qaıta salynyp, 1,5 myń áleýmettik nysanǵa jóndeý júrgiziledi.

Buǵan deıin Áset Erǵalıev Ulttyq joba aıasynda qazaqstandyq kásipkerlerdiń shetelde taǵylymdamadan ótetinin málim etti.

Odan bólek, elimizdiń bas ekonomısi ulttyq jobalardyń oryndalý barysy arnaıy aqparattyq júıe arqyly qadaǵalanatynyn aıtty.