Elimizde «16 kún áıelderge qatysty zorlyq-zombylyqqa qarsylyq» atty aktsııa bastaldy
ALMATY. 25 qarasha. QazAqparat /Názıra Eleýhan/- Búgin Qazaqstanda «16 kún áıelderge qatysty zorlyq-zombylyqqa qarsylyq» atty aktsııa bastaý alady. Bul týraly Almatyda ótken baspasóz máslıhatynda habarlandy.
Búgin - áıelderge qatysty zorlyq-zombylyqty joıý Halyqaralyq kúni bastalatyn aktsııa 10 jeltoqsan - Halyqaralyq adam quqyǵy kúnine deıin jalǵasady. Atalmysh sharany uıymdastyrýshylar - BUU Áıelder qorynyń (ıÝNIFEM), Qazaqstandaǵy Daǵdarys ortalyǵynyń odaǵy, QR Іshki ister mınıstrligi.
«Aktsııa elimizdiń barlyq jerinde ótetin bolady. Onyń basty maqsaty - halyqty, qoǵamdy áıelder men qyzdarǵa qatysty zorlyq-zombylyqqa nazar aýdartý, muny nasıhattaý, aqparattandyrý, sonymen qatar 2009 jyly osy máselege qatysty qabyldanǵan zańdy jiti túsindirý bolyp tabylady. Bul kúnderi joǵary oqý oryndarynda, bilim alý mekemelerinde dárister oqylyp, kezdesýler ótedi. Emhanalarda, adamdar kóp shoǵyrlanǵan jerlerde túrli sharalar uıymdastyrylatyn bolady. Bul máselege qatysty «dóńgelek ústel» otyrystary, konferentsııalar ótkiziledi. Almatyda sherý ótkizý de josparlanýda», dedi Almaty qalasynyń ІІD-niń áıelderge qatysty zorlyq-zombylyqtan qorǵaý basqarmasynyń aǵa ınspektory Áıgerim Ábilqasymova.
Onyń aıtýynsha, aýylda turatyn áıelder qala áıelderine qaraǵanda óz quqyqtaryn bilmeıdi. «Kóp jaǵdaıda zorlyq-zombylyq kórip jatsa da habarlaspaıdy. Meniń olarǵa aıtarym, jedel telefony Qazaqstannyń barlyq aımaǵynda jumys isteıdi. Habarlasyp, tegin qupııaly túrde quqyqtyq suraqtar boıynsha keńesti, psıhologııalyq kómekti alýlaryna bolady. Senim telefonynyń nómiri - 1415», dedi Á. Ábilqasymova.
