Elimizde 155 myń tonna qus etine arnalǵan 12 joba qamtyldy
«Salaǵa ınvestıtsııalar salynýda, jańa qýattylyqtar iske qosylýda jáne qolda bar qýattylyqtar keńeıtilýde. «Makınsk qus fabrıkasy» (qýaty 25 myń tonna – birinshi kezeń) paıdalanýǵa berildi, «Áýlıe-ata Fenıks» qus fabrıkasynda keńeıtý (5 myń tonnaǵa) jumystary aıaqtaldy. Nátıjesinde, óndiris 3 jyl ishinde 24 paıyzǵa ulǵaıyp, 222,9 myń tonnany qurady. Tıisinshe, ımport úlesi 50 paıyzdan 44,6 paıyzǵa tómendedi», - dedi mınıstr Parlament Májilisindegi Úkimet saǵatynda.
S. Omarovtyń sózine qaraǵanda, qus etimen qamtamasyz etý úshin jalpy qýaty 200 myń tonna bolatyn qus fabrıkasy qosymsha paıdalanýǵa engiziletin bolady. Qazir elimizde 155 myń tonna qus etine arnalǵan 12 joba jobalaý men iske asyrylý kezeńinde tur.
Budan buryn habarlanǵandaı, Májilistegi Úkimet saǵatynda Aýyl sharýashylyǵy mınıstri Saparhan Omarov qaı ónimder ımporttalatynyn aıtty.
Sonymen qatar vedomstvo basshysy elimizde shamamen 5,8 mln tonna sút óndirilgenimen, sút zaýyttarynyń júktelýi qazir shamamen 65 paıyzdy qurap turǵanyn jetkizdi.