Elimizde 120-dan astam kásiporyn qyzmetkerleriniń jalaqysyn ýaqytyly bermeı otyr

ASTANA. 23 shilde. QazAqparat - Elimizde 120-dan astam kásiporyn qyzmetkerleriniń jalaqysyn ýaqytyly bermeı otyr.

Bul týraly búgin QR Eńbek jáne halyqty áleýmettik qorǵaý mınıstrliginiń alqa májilisinde vedomstvo basshysy Gúlshara Ábdiqalyqova aıtty.

Onyń atap ótýinshe, eńbek jónindegi memlekettik ınspektorlar aǵymdaǵy jyldyń 6 aıynda jalpy somasy 3,6 mlrd. teńgeni quraıtyn óz qyzmetkerleriniń jalaqysyn bermeı, keshiktirip otyrǵan 390-nan astam uıymdy anyqtaǵan.

«Qabyldanǵan sharalardyń nátıjesinde jalpy somasy 2 mlrd. teńgeni quraıtyn bereshegi bar 282 kásiporyn óz qyzmetkerleri aldyndaǵy mindettemelerin oryndady. Qazirgi ýaqytta qaryzdary ótelmegen 121 kásiporyn bar», - dedi G.Ábdiqalyqova.