Elimizde 12 myńnan astam muǵalim aǵylshyn tili kýrstarynan ótýde
ASTANA. QazAqparat - Qazaqstanda negizgi 4 pándi aǵylshyn tilinde oqytatyn muǵalimder 6 ortalyqta til kýrsynan ótýde. Bul týraly búgin Ortalyq kommýnıkatsııalar qyzmetindegi brıfıngte QR BǴM Mektepke deıingi jáne orta bilim departamentiniń dırektory Sholpan Karınova aıtty, dep habarlaıdy QazAqparat.
«Qazaqstannyń 2016-2019 jyldarǵa analǵan bilim berýdi jánge ǵylymdy damytýdyń memlekettik baǵdarlamasyna sáıkes úsh tilde oqytýǵa kóshý 2019 jyldan bastap 10-11 synyptarda bastalatyn bolady. Bul fızıka, hımııa, bıologııa jáne ınformatıka pánderi. Bul 4 pán boıynsha elimizde 31 928 muǵalim qyzmet etedi. Onyń 62 paıyzy aýyldyq jerde, 38 paıyzy qalalyq jerde bilim berýde. Osy 2016-2017 jyldary muǵalimderdi daıyndaý kýrstary bastaldy. Eki jyldyń ishinde 12179 muǵalim kýrstardan ótýde», - dedi Sholpan Karınova.
Onyń aıtýynsha, qazirgi ýaqytta til kýrstaryn «Nazarbaev Ýnıversıteti», «Nazarbaev zııatkerlik mektepteri» ABU, «Órleý» UBJA» AQ, «USTAZ», «Astana School of Business and Technology» jáne «Astana bilim ordasy» jaýapkershiligi shekteýli seriktestikteri júrgizedi.
«Nazarbaev Ýnıversıtetiniń» vıtse-prezıdenti Qadısha Daırovanyń aıtýynsha, ýnıversıtet bazasynda 4897 muǵalimdi aǵylshyn tiline oqytý júrgizildi. Onyń 2533-i - aýyl, al 2364-i - qala muǵalimi. Kýrs baǵdarlamasy úsh modýlden turdy. Kýrs aıaqtalǵannan keıin baǵdarlamadan tabysty ótken muǵalimderge arnaıy sertıfıkattar tabys etildi.
