Elimizde 12 myńnan astam adam balyq sharýashylyǵynda jumys isteıdi - mınıstr

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev balyq sharýashylyǵy salasynyń qyzmetkerlerin kásibı merekesimen quttyqtady, dep habarlaıdy QazAqparat tilshisi.

«Barlyq balyq sharýashylyǵy salasynyń qyzmetkerlerin, sala ardagerlerin kásibı merekelerimen quttyqtaı otyryp, adal eńbekteri men joǵary kásibı sheberlikteri úshin shyn júrekten rızashylyǵymdy bildiremin. Myqty densaýlyq pen kúsh-qýat tileımin», - dep jazdy mınıstr Maǵzum Myrzaǵalıev Twitter -degi paraqshasyna.

Onyń aıtýynsha, memleket balyq sharýashylyǵy salasynyń damýyna kóptep kóńil bólýde. Zańnamalyq baza turaqty túrde jetildirilip, memlekettik qoldaý sharalary qamtamasyz etilip jatyr.

«Sondaı-aq, taýarlyq balyq ósirýdi damytýǵa erekshe nazar aýdaryp jatyrmyz. Búgin balyq sharýashylyǵy qyzmetkerleri kásibı merekelerin atap ótýde.12 myńnan astam adam osy salada elimizdegi myńǵa jýyq kásiporyndarynda eńbek etedi. Azyq-túlik pen ekologııalyq qaýipsizdikti qamtamasyz etip, eldiń eksporttyq áleýetin arttyrýda balyqshylar jumysshylarynyń eńbegi zor», - deıdi ol.

Búgingi tańda Qazaqstanda balyq sharýashylyǵy balyq óndirýshi jáne kóliktik flot, balyq ónimderin qaıta óńdeý, balyqty jasandy ósirý jáne balyq shabaqtaryn qaıta óndirý men aınalysatyn kásiporyndar bolyp tabylady.
Atalmysh sala eldiń azyq-túlik jáne ekologııalyq qaýipsizdigin qamtamasyz etýge, onyń eksporttyq áleýetin arttyrýǵa úles qosady . Osyǵan baılanysty memleket balyq sharýashylyǵy salasyn damytý máselelerine kóp kóńil bólip keledi. Máselen, zańnamalyq baza únemi jetildirilýde, memlekettik qoldaý sharalary qarastyrylýda, taýarly balyq sharýashylyǵyn damytýǵa erekshe nazar aýdarylýda.

Eske sala ketsek, shilde aıynyń ekinshi jeksenbisi Qazaqstanda 2017 jylǵy 31 qazandaǵy Úkimet qaýlysymen balyq sharýashylyǵy qyzmetkerleriniń kúni retinde belgilendi.