Elimizde 117 mektepte úsh tildi oqytý júıesi engizildi

ASTANA. QazAqparat - Qazaqstannyń 117 mektebinde úsh tildi oqytý júıesi engizildi. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR BǴM vıtse-mınıstri Taqır Balyqbaev málim etti.

«Bastapqyda ilki joba retinde úsh tildi oqytý 33 mektepke engizilgen bolatyn. Búginde 117 mektepte oqýshylardy úsh tilde oqytý júıesi bar. Bul shamamen 63 myń oqýshy», - dep atap ótti ol. - Árıne, bul mektepterde qazaq, orys jáne aǵylshyn tilderi tereń oqytylady. Sonymen qatar jaratylystaný ǵylymdarynyń birqatar pánderi aǵylshyn tilinde beriledi».

Onyń aıtýynsha, búginde 42 joǵary oqý ornynda tek aǵylshyn tilinde oqytatyn bólimder bar.

«Qazirgi ýaqytta 7 900-den astam adam úsh tildi bilim alyp shyqty. Sonymen birge qazaq, orys, aǵylshyn tilderin jetik meńgergen professorlyq-oqytýshylyq quram jasaqtalǵan», - dep túıdi sózin T.Balyqbaev.

Mınıstrliktiń málimdeýinshe, 2015 jyldyń qarasha aıynda Qazaqstanda úsh tildi bilim berý júıesin damytýdyń 2015-2020 jyldarǵa arnalǵan jol kartasy qabyldandy.