Elimizde 110 kólik urlaýshy qylmystyq jaýapkershilikke tartyldy
NUR-SULTAN. QazAqparat – Elimizde 110 kólik urlaýshy, onyń ishinde 7 qylmystyq top qylmystyq jaýapkershilikke tartyldy. Bul týraly QR ІІM Krımınaldyq polıtsııa departamenti bastyǵynyń orynbasary Qanat Nurmaǵambetov málim etti, dep habarlaıdy QazAqparat tilshisi.
«Mınıstrlik 16-22 tamyz aralyǵynda elimizde «Avtomobıl» degen shartty ataýmen keń aýqymdy is-shara ótkizdi. Oǵan 4 myńnan astam polıtsııa qyzmetkeri jumyldyrylyp, atalǵan kezeń ishinde 95 kólik urlyǵy ashyldy. Іs-shara barysynda 433 post, onyń ishinde kórshiles eldermen shekaralas aýdandarda 62 post qoıyldy. 3 myńnan astam kólik jóndeý ortalyǵy, jekemenshik avtosheberhanalar, kólik turaǵy kooperatıvteri men avtoturaqtar tekserildi», - dedi ol.
Onyń aıtýynsha, atalǵan jumystardyń nátıjesinde urlanǵan 5 kólik tabyldy. Avtobólshekter satatyn oryndardy tekserý barysynda urlanǵan kóliktiń bólshekterin satýdyń 16 deregi tirkeldi.
«Іshki saýda erejesin buzǵany úshin QR ÁQBtK 204-1-babymen 70 ákimshilik hattama toltyryldy. Іs-shara barysynda 110 kólik urlaýshy, onyń ishinde 7 qylmystyq top qylmystyq jaýapkershilikke tartyldy», - dedi Qanat Nurmaǵambetov.
