Elimizde 11 oblys aýmaǵynda aýa raıyna baılanysty eskertý jarııalandy
NUR-SULTAN. QazAqparat – Elimizde 11 oblys aýmaǵynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
26 naýryzda túnde jáne tańerteń Túrkistan oblysynyń keı jerlerinde nóser jańbyr jaýýy múmkin. Keı jerlerde naızaǵaı, ońtústik-batystan soǵatyn jeldiń kúshi 15-20, ekpini 23-28 m/s jetedi.
Shymkentte erteń túnde jáne tańerteń qatty jańbyr jaýýy múmkin, keı ýaqytta naızaǵaı jarqyldaıdy. Ońtústik-batystan jel soǵady, ekpini 15-20 m/s jetedi.
Túrkistan qalasynda erteń naızaǵaı oınap, ońtústik-batystan jel soǵady, ekpini 15-20 m/s jetedi.
26 naýryzda kúndiz Qaraǵandy oblysynyń ońtústiginde qatty jaýyn-shashyn (jańbyr, qar) túsýi múmkin. 26-27 naýryzda keı jerlerde tuman túsip, kóktaıǵaq bolady, jaıaý burqasyn soǵýy kyqtımal. Soltústik-shyǵystan, shyǵystan jel turady, kúshi keı jerlerde 15-20, ekpini 23-28 m/s jetedi.
Jezqazǵanda erteń kóktaıǵaq bolady, jaıaý burqasyn soǵýy yqtımal. Soltústik-shyǵystan, shyǵystan jel soǵady, ekpini 15 m/s jetedi.
26 naýryzda Qostanaı oblysynyń keı jerlerinde tuman túsip, kóktaıǵaq bolady, jaıaý burqasyn soǵýy yqtımal. Shyǵystan jel soǵady, keı jerlerde kúshi 15-20 m/s jetedi.
26 naýryzda túnde jáne tańerteń Atyraý oblysynyń keı jerlerinde tuman túsedi. Kúndiz batystan soǵatyn jel keı jerlerde 15-20 m/s kúsheıedi. Atyraý qalasynda erteń kúndiz batystan soǵatyn jeldiń ekpini 15-18 m/s jetedi.
26 naýryzda Batys Qazaqstan oblysynyń keı jerlerinde qatty jaýyn-shashyn (qar, jańbyr), tuman túsip, kóktaıǵaq bolýy múmkin. Jel soltústik-shyǵystan, shyǵystan soǵady, kúshi túnde keı jerlerde 15-20 m/s jetedi. Erteń Oralda túnde jáne tańerteń tuman túsýi múmkin.
26 naýryzda Aqtóbe oblysynyń keı jerlerinde kóktaıǵaq bolady, jaıaý burqasyn soǵady, tańerteń keı jerlerde tuman túsýi múmkin. Jeldiń baǵyty soltústik-shyǵystan ońtústik-batysqa aýysady, keı jerlerde 15-20 m/s jetedi.
26 naýryzda Aqmola oblysynyń keı jerlerinde tuman túsip, kóktaıǵaq bolýy múmkin.
26 naýryz túnde Qyzylorda oblysynyń keı jerlerinde naızaǵaı jarqyldaıdy. Keı jerlerde tuman túsýi múmkin. Batystan jel soǵady, kúshi keı jerlerde 15-20, ekpini 23 m/s jetedi.
Qyzylorda qalasynda erteń túnde naızaǵaı jarqyldaıdy. Batystan jel soǵady, tańerteń jáne kúndiz ekpini 15-20 m/s jetedi.
26 naýryzda Shyǵys Qazaqstan oblysynda túnde keı jerlerde qalyń qar qar, kúndiz qar aralas jańbyr jaýady. Keı jerlerde tuman túsip, kóktaıǵaq bolady, jaıaý burqasyn soǵýy yqtımal. Jel soltústik-batystan shyǵysqa aýysyp, kúshi keı jerlerde 15-20, ekpini 23-28 m/s jetedi.
Óskemende erteń jaıaý boran soǵady, kóktaıǵaq bolady. Jel soltústik-batystan shyǵysqa aýysyp, túnde ekpini 15-18 m/s jetedi.
Semeıde erteń jaıaý boran soǵady, kóktaıǵaq bolýy múmkin. Jel soltústik-batystan shyǵysqa aýysyp, túnde ekpini 15-18 m/s jetedi.
26 naýryzda Soltústik Qazaqstan oblysynyń keı jerlerinde tuman túsýi múmkin. Ońtústik-batystan jel soǵady, kúndiz keı jerlerde kúshi 15-20 m/s jetedi.
Petropavlda erteń kúndiz ońtústik-batystan jel soǵady, ekpini 15-20 m/s jetedi.
26 naýryzda kúndiz Jambyl oblysynyń keı jerinde nóser jaýady. 26-27 naýryzda túnde jáne tańerteń keı jerlerde tuman túsip, kúndiz naızaǵaı jarqyldaıdy. 26-27 naýryzda ońtústik-batystan soǵatyn jel ońtústik-shyǵys jeline aýysady, keı jerlerde 15-20 m/s, 26 naýryzda ekpini 23-28 m/s jetedi.
Tarazda erteń tańerteń jáne kúndiz ońtústik-batystan soǵatyn jel ońtústik-shyǵys jeline aýysady, ekpini 15-20 m/s jetedi, keı ýaqytta 25 m/s kúsheıedi.
