Elimizde 100-ge jýyq qurylys kompanııalary qyzmetterin jalǵastyrýda - S. Nokın
ASTANA. 17 aqpan. QazAqparat /Rýslan Ǵabbasov/ - Qazirgi kezde elimizde 100-ge jýyq qurylys kompanııalary óz qyzmetterin jalǵastyryp keledi.
Bul týraly búgin Astanada ótken onlaın-konferentsııada Qurylys jáne turǵyn úı -kommýnaldyq sharýashylyq isteri agenttiginiń tóraǵasy Serik Nokın málim etti.
«Búginde 100-ge jýyq qurylys kompanııalary óz qyzmetterin abyroımen atqaryp, nysandardaǵy qurylys jumystaryn jalǵastyrýda»,-dedi vedomstvo basshysy. S. Nokınniń aıtýynsha, daǵdarysqa deıingi kezeńde qurylys jumystarymen aınalysýǵa lıtsenzııasy bar 17 myńǵa tarta kompanııa tirkelgen kórinedi. Alaıda agenttik basshysy bul kompanııalardaǵy qurylys qarqyny qandaı deńgeıde bolǵany jóninde habarsyz ekenin aıtty.
