Elimizde 100-den astam ákimshilik jáne saıası memlekettik qyzmetkerlerdiń rotatsııasy júrgiziledi

Bul týraly búgin Aqordada ótken keńeste QR Prezıdenti Ákimshiliginiń jetekshisi Aslan Mýsın málim etti, dep habarlaıdy QazAqparat.

«Sizdiń tapsyrmańyzǵa sáıkes, kadrlardy rotatsııalaý boıynsha Ákimshilik tıisti usynystar ázirledi. Bul máseleni zerdeleý sharalary 60 vıtse-mınıstr men jaýapty hatshylardyń ishindegi 18-inde óńirlerde jumys isteý tájirıbesi joq ekenin kórsetti. Al aımaqtyq deńgeıdegi 329 jetekshiler zeınetkerlik jáne zeınetkerlikke deıingi jasqa jetti. Osyǵan baılanysty 100-den astam ortalyq organdardyń saıası jáne ákimshilik memlekettik qyzmetkerlerin óńirlerge jáne óńirlerden ortalyqqa rotatsııalaý jóninde usynys engizemiz»,- dedi A. Mýsın.

Kadrlardy rotatsııalaý boıynsha usynystardy Elbasynyń qoldaýyn suraǵan A. Mýsın, « sondaı-aq ákimderge óńirlik deńgeıde basqarýshy kadrlar rotatsııasynyń josparyn daıarlaýdy tapsyrýdy suraımyn. Atalǵan sharalar óńirlerge mamandyq deńgeıi jetkilikti jetekshilerdi baǵyttaýǵa, sondaı-aq jergilikti memlekettik organdardan óńirdegi ahýaldan naqty habary bar jáne tıisti jumys tájirıbesi bar mamandardy shaqyrýǵa múmkindik beredi», -dedi ol Elbasy Nursultan Nazarbaevqa qaratyp aıtqan sózinde.

Óz kezeginde Memleket basshysy ortalyq organdardyń kóptegen mamandary men qyzmetkerleri óz erikterimin aımaqqa baryp jumys isteýge nıet bildirgenderin jetkizdi. «Men barlyqtaryńyzdy eskerkim keledi. Alǵashqy úırený kezinde olarǵa qamqorlyqpen qarańyzdar. Turǵyn úımen kómektesý kerek. Olar jańa baǵyttardy engizýi úshin múmkindik berińizder»,-dedi Prezıdent.

Elbasy atalǵan qyzmetkerlerge qatysty jumystar ortalyqtan baqylanyp otyratyn jetkizdi. Osyǵan baılanysty Memleket basshysy Prezıdent apparaty ınspektorlaryna tıisti tapsyrma berdi.

«Bul bir jolǵy naýqan emes, biz osyny turaqty túrde jalǵastyramyz»,-dep atap ótti N. Nazarbaev.