Elimizde 1 jasqa deıingi shetinegen náresteler sany 18 paıyzǵa kemidi
ASTANA. 11 shilde. QazAqparat - Elimizde 2013 jylǵy qańtar-mamyrda qaıtys bolǵandar sany 60,1 myń adamdy qurady, sondaı-aq byltyrǵy osy kezeńge qaraǵanda 2,8 paıyzǵa kemidi. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
Budan bólek aǵymdaǵy jylǵy qańtar-mamyrda respýblıkada 1 jasqa deıingi 1904 (2012 j. qańtar-mamyrda - 2323) náreste ólimi tirkeldi. Ótken jylǵy sáıkes kezeńmen salystyrǵanda 1 jasqa deıingi shetinegen náresteler sany 18 paıyzǵa kemidi. Náreste óliminiń negizgi sebebi perınataldyq kezeńde paıda bolatyn jaǵdaılar bolyp tabylady. Odan 1079 (1345) náresteniń ómiri qıylǵan nemese náresteler arasyndaǵy ólim-jitim jaǵdaıy jalpy sanynyń 56,7 paıyzyn quraıdy.
